تبلیغات 
نخیتک
نخیتک والهضم تارس ادموع العین
وعلی اطراف البیابی اموچره العبره
نخیتک والذنوب ابلا عدد تنــــــقاس
وانت اعلم ابحال الشـــــــاعر وادره
نخیتک والصبر جف بریاض الروح
ومن بیر الصبر ماظل بـــــعد گطره
نخیتک والگلب ساحة مأسی وضیم
یزرع حزن روحه ویحصد الحسره
نخیتک والجــهل فایض نهر عالناس
وغشیم الرای یشرب من جرف نهره
نخیتک والارض تنزف نخل مذبوح
وعلی درب التفرق شیعو تـــــــمره
نخیتک والکســــــــر ماجبرّه الضمـّاد
الف شهر انتهن شیضمّـــد ابکــــسره
نخیتک والملح یمشی اعله جرح الگاع
وبـــدرب المـــلح ما من بـــعد عثره
نخــیتک والحلم بات ابصدر اجیــــال
تعبنه منالمناطـــر یاهــــــو الیفسره؟
نخیتک والسوالف خایفه مـن الجــای
وعلی الســــان الشعر تفتر الف شفره
نخیتک والشــــــمع ذاب ابجفن مظلوم
خلّص شمع عینه وشب شمع عمــــره
نخیتک والبشر صارت شجر مو ناس
وکــــل های الشـــــجر تتنطر الطبره
****
کلمات: سید حسن الشریفی
say that I have really enjoyed browsing your blog
posts. In any case I will be subscribing to your rss feed and I hope you write again very soon!
i am as well delighted to share my experience here with friends.